На 23 септември 2025 година, Центарот за стратешки истражувања и анализи – ЦСИА успешно организираше специјализирана работилница на тема „Дигитална будност – ОСИНТ обука за изборен мониторинг“ во винаријата Чифлик, Битола.
Настанот собра учесници вклучени во изборен мониторинг, претставници на граѓански организации и медиумски активисти. Работилницата беше дел од проектот „Дигитален штит: Мониторинг на локалните избори 2025 од хибридни закани во дигиталниот простор“, спроведуван од ЦСИА.
Работилницата започна со поздравни зборови, по што следуваа интерактивни предавања на Проф. Д-р Ице Илиевски и Проф. Д-р Ангелина Станојоска за основите на ОСИНТ (Open Source Intelligence) и нејзиното значење за дигиталната будност и изборниот мониторинг. Обуката вклучи и практичен дел за користење на ОСИНТ алатки, анализа на реални примери, како и дискусија за тоа како дигиталните закани можат да влијаат на интегритетот на изборниот процес.
Учесниците имаа можност за вмрежување и размена на искуства. Настанот заврши со групна дискусија и заклучни зборови, истакнувајќи ја важноста на дигиталната писменост и проактивниот мониторинг во контекст на претстојните избори.
